Tikinti və İnfrastruktur İşçi Qrupu

24 oktyabr 2023-cü il tarixində AHK Azərbaycan ofisində 20-dən çox iştirakçının iştirakı ilə AHK Azərbaycanın Tikinti və İnfrastruktur İşçi Qrupunun növbəti iclası keçirildi. İclasda normativ sənədlərə, hüquqi aktlara və standartlara dair təklif və tövsiyələr ətrafında dəyirmi masa ətrafında müzakirələr aparılıb.
 
İclası açan AHK Azərbaycanın icraçı direktoru Tobias Baumann iştirakçıları salamladı və cənab Nəriman Topçibaşevi Tikinti və İnfrastruktur İşçi Qrupunun yeni sədr müavini kimi təqdim etdi. Sonra o, sözü Tikinti və İnfrastruktur İşçi Qrupunun sədri xanım Ümmi Cəlilova və Grata Azərbaycanın idarəedici partnyoru və Bakı ofisinin direktoru və Tikinti və İnfrastruktur İşçi Qrupunun sədr müavini və PMD Layihələrinin baş icraçı direktoru cənab Nəriman Topçibaşova verdi. MMC də iştirakçıları salamlayaraq iclasın gündəliyi ilə tanış olub, işçi qrupunun qarşıda duran fəaliyyəti haqqında qısa məlumat verib.
 
İştirakçılar baxılması üçün Tikintidə Təhlükəsizliyə Nəzarət Dövlət Agentliyinə və Dövlət Şəhərsalma və Arxitektura Komitəsinə göndərməzdən əvvəl məsələləri ümumiləşdiriblər. Tədbir zamanı üzv şirkətlərdən təklif və tövsiyələr qəbul edilib və iclasın sonunda iştirakçılar sual-cavab sessiyası çərçivəsində əsas məsələlər və mövzuları müzakirə ediblər. Ətraflı

3 may 2023-cü il tarixində Azərbaycan Respublikası Dövlət Şəhərsalma və Arxitektura Komitəsi tabeliyində fəaliyyət göstərən Bakı Şəhər Memarlıq və Şəhərsalma Baş İdarəsinin Alman-Azərbaycan Xarici Ticarət Palatasının (AHK Azərbaycan) Tikinti və İnfrastruktur İşçi Qrupu ilə görüşü baş tutdu. Görüşdə iştirak edən dövlət-özəl sektor tərəfdaşlığının gücləndirilməsi kontekstində 40-a yaxın şirkət nümayəndəsi ilə ölkənin şəhərsalma və tikinti sahəsində aparılan islahatlar barədə müzakirələr aparıldı.

İclası açıq elan edən Tikinti və İnfrastruktur İşçi Qrupunun rəhbəri xanım Ummi Cəlilova iştirakçıları salamladı, görüşün gündəliyi haqqında məlumat verdi və bu mövzunun şəhərsalma və tikinti sahəsində dövlət-özəl sektor tərəfdaşlığının gücləndirilməsi baxımından əhəmiyyətini vurğuladı.

Tədbirdə iştirak edən Bakı şəhər Memarlıq və Şəhərsalma Baş İdarəsinin rəisi vəzifəsini icra edən cənab Read Qasımov öz çıxışında İdarənin fəaliyyət istiqamətləri barədə qısa məlumat verdi.

Daha sonra, Baş İdarənin əməkdaşı Elnaz Sultanova tərəfindən “Bakının şəhərsalma təcrübəsi: islahatlar gündəliyi” mövzusunda təqdimat keçirildi. Təqdimat zamanı ümumilikdə Dövlət Şəhərsalma və Arxitektura Komitəsinin və eyni zamanda Baş İdarənin fəaliyyət istiqamətləri və hədəfləri, şəhərsalma, memarlıq və tikinti sahələrində aparılan mühüm islahatlar, tikintiyə və istismara icazələr üzrə “e-tikinti.gov.az” portalının funksionallığı, bina və qurğuların fasad pasportu, Bina İnformasiya Modelləşdirilməsinə (BİM) keçidlə bağlı strategiya kimi mühüm əhəmiyyət kəsb edən məsələlərə toxunuldu.

Görüş interaktiv şəkildə keçirildi və təqdimatdan sonra iştirakçıları maraqlandıran suallar müvafiq qaydada cavablandırıldı. Ətraflı

6 aprel 2023-cü il tarixində 40-a yaxın şirkət nümayəndəsinin iştirakı ilə AHK Azərbaycan Tikinti və İnfrastruktur İşçi Qrupunun növbəti görüşü keçirildi. Görüş Azərbaycanda tikintidə təhlükəsizliyə nəzarət tədbirləri mövzusuna həsr olunmuşdu.

İclası açıq elan edən xanım Ummi Cəlilova iştirakçıları salamladı və görüşün gündəliyi haqqında danışdı. Daha sonra o, bu mövzunun təbii fəlakətlərin qarşısının alınması və ümumi hazırlıq baxımından əhəmiyyətini vurğuladı. Tikintidə Təhlükəsizliyə Nəzarət Dövlət Agentliyinin rəis müavini cənab Elxan Əsədov görüşə qatılaraq çıxışında tikintidə təhlükəsizlik tələblərinə əməl olunmasının təmin edilməsi istiqamətində Agentliyin fəaliyyəti, qanunvericilik bazası və texniki spesifikasiyalar və standartlar, konsultasiya şirkətlərinin rolu, tikintidə yeni texnoloji nailiyyətlərin tətbiqi və istifadə müddəti başa çatmış tikililərin vəziyyəti kimi bir sıra əsas məsələlərə toxundu.

Görüş interaktiv şəkildə keçirildi və təqdimatdan sonra qonaq məruzəçi iştirakçıları maraqlandıran sualları cavablandırdı. Ətraflı

25 oktyabr 2022-ci il tarixində 50-ə yaxın şirkət nümayəndəsinin iştirakı ilə AHK Azərbaycan üzvlərinin Qarabağ iqtisadi rayonuna işgüzar səfəri baş tutmuşdur. Səfər Palatanın Tikinti və İnfrastruktur İşçi Qrupunun çərçivəsində həyata keçirilmişdir.

İşgüzar səfər zamanı iştirakçılar Füzuli və Şuşa şəhərlərində davam edən yenidən quruculuq işləri ilə yerində tanış olmaq imkanı əldə etdilər və ikitərəfli görüşlərə qatıldılar. Xüsusi olaraq qeyd edək ki, Palatanın üzvü “Azvirt” MMC-nin nümayəndələri ilə şirkətin Füzulidə yerləşən inşaat layihə mərkəzində görüşmək imkanımız oldu və onlar Azərbaycanın işğaldan azad edilmiş ərazilərində həyata keçirdikləri layihələr ilə bağlı qısa təqdimat keçirdilər.

Biz bu səfərin baş tutmasında dövlət qurumlarının xüsusi rolunu vurğulamaq istəyirik, eyni zamanda göstərdikləri dəstəyə görə Grata International, Azərbaycan şirkətinə təşəkkür edirik. Ətraflı

29 iyun 2022-ci il tarixində 30-a yaxın şirkət nümayəndəsinin iştirakı ilə AHK Azərbaycan Tikinti və İnfrastruktur İşçi Qrupunun növbəti iclası keçirildi. Görüşdə Azərbaycanda dövlət satınalmaları proseduralarının asanlaşdırılması istiqamətində müzakirələr aparıldı.

İclası açıq elan edən AHK Azərbaycanın İcraçı direktoru / İdarə Heyətinin üzvü cənab Tobias Baumann görüşün iştirakçılarını salamladı. Daha sonra Tikinti və İnfrastruktur İşçi Qrupunun sədri xanım Ummi Cəlilova iştirakçıları iclasın gündəliyi ilə tanış etdi və görüşün əsas mövzusu haqqında onlara qısa məlumat verdi.

Görüşün qonaq spikeri Antiinhisar və İstehlak Bazarına Nəzarət Dövlət Xidmətinin Dövlət satınalmaları şöbəsinin müdiri cənab Əhməd Həsənov Dövlət Xidmətinin 2021-ci il üzrə fəaliyyəti haqqında statistik hesabatı təqdim etdi. Öz çıxışında, o dövlət satınalmaları prosedurlarına nəzarət, bu sahədə adekvat tədbirlərin həyata keçirilməsi, dövlət satınalmaları portalında cari işlər və yeni qanun layihəsi haqqında ətraflı məlumat verdi. Görüş AHK Azərbaycanın üzv şirkətlərinin iştirakı ilə interaktiv sual və cavab sessiyası ilə davam etdi.

Görüşün sonunda xanım Ummi Cəlilova “PMD Projects” MMC-nin Biznesin inkişafı şöbəsinin rəhbəri xanın Nərmin Hüseynzadənin Tikinti və İnfrastruktur İşçi Qrupunun sədr müavini təyin edilməsi haqqında iştirakçılara məlumat verdi və onu işçi qrupunun üzvlərinə təqdim etdi. Ətraflı

15 fevral 2022-ci il tarixində 30-dan çox şirkət nümayəndəsinin iştirakı ilə AHK Azərbaycanın yeni - Tikinti və İnfrastruktur İşçi Qrupunun təsis iclası keçirildi.

İclası açıq elan edən cənab Tobias Baumann iştirakçıları salamladı və Tikinti və İnfrastruktur İşçi Qrupunun sədri xanım Ummi Cəlilovanı təqdim edərək özəl sektorun maraqlarını təmsil etmək təşəbbüsü ilə çıxış etdiyinə görə ona təşəkkürünü bildirdi. Xanım Ummi Cəlilova çıxışında Tikinti və İnfrastruktur İşçi Qrupunun yaradılması ilə bağlı sorğunun nəticələrindən danışdı və üzv şirkətlərin qeyd etdiyi əsas mövzulardan bəhs etdi.

Görüş xanım Ummi Cəlilovanın moderatorluğu altında iştirakçılardan təkliflərin toplanması ilə davam etdi. Həmçinin görüş zamanı razılaşdırıldı ki, Tikinti və İnfrastruktur İşçi Qrupu öz fəaliyyətini dayanıqlı planlaşdırma və inkişaf, insan kapitalı, şəffaflıq və açıqlıq, satınalma prosesləri və mövcud qanunvericilik bazası daxil olmaqla tikinti və infrastruktur sahəsində mövcud çətinliklərin araşdırılması və ünvanlanması istiqamətində quracaqdır. Ətraflı